یوردوموز
*مدیرمسئول -محمّد اشراقی
قوشلار اوخور آغاجلارین باشیندا
ائله بیل کی عاشیق چالیر سازیندا
گون سریلیب اِئو ائشیگین اوستونه
یاغیش یاغیر یارپاقلارین اوزونه
گول لر آچیپ بزه ییب دیر باغلاری
بولود انیب قوجاقلاییب داغلاری
گول له بولبول اؤتوشورلر بوداقدا
اودون یانیر ایستی وئریر اوجاقدا
سئوگیلی لر دانیشیرلار سئوگی دن
سئوگی وئرن شنلیگیله وئرگی دن
ائله بیل کی جنت گلیب اؤلکه یه
گؤز ایسته ییر گؤزللیگی گؤرمه یه
بئله دوروم چوخ آز یئرده تاپیلار
یوردوموزدا توتقون اورک آچیلار
بیزیم ائله گرکلی دیر دینجیلیک
گؤزل لره یاراشماییر اینجیلیک
