ربا
*مدیرمسئول -محمّد اشراقی
اسلام دینی حرام ائدیب ربانی
ربا، سیلر یاخشیلیقلا اینامی
ربا آلان قازاندیغین اوتوزار
ربا وئرن یازیق ائدر آلانی
بانکلار ایندی رباایله دولانیر
بورجلولارین وارین یئییب قوتاریر
حرام ربا ، حلال اؤلوب چوخداندی
دوزمسلمان بو ایشلردن اوتانیر
اؤلکه لر وار بیزدن آزدیر بهره لر
ساییلماییر بورج آلانلار برده لر
اسلام دینین اجرا ائدیر کافرلر
گؤتورورلر دوز ایشیله بهره لر
بانکلار گره ک ساتمایالار پوللارین
اؤیره نه لر پول قازانماق یوللارین
بئله اولسا فایدا وئرر ایشلری
یوخساگره ک چئویره لر آدلارین
ربا یئین آدی اولوب بانکدار
پول کوره ییر کیمسه نینکی بانکی وار
پوللار گره ک تولید ایله چوخالا
یوخسا سورار ائل وارینی بانکلار
