باش تاپیرسان؟- اشعار ترکی محمد اشراقی
باش تاپیرسان دنیا کیمین الینده دیر کیم یئیری کیم قازانیر چتینده دیر
باش تاپیرسان دنیا کیمین الینده دیر
کیم یئیری کیم قازانیر چتینده دیر
کیم لریسه نقشه چکیر دؤیوشلره
دؤیوشلردن سونرا اولان بؤلوشلره
اوزاقلاردا کیم تؤره لدیر دوشمن لری
یالان یئره قارادش کیمی گولن لری
آیریلیغا ائل لر ایچره دن سپیری
دؤیوش لردن قازاناراق انلنیری
سیلاح ساتیر اؤلدورن له اؤلن لره
یامان دئییر بیر بیربنی سئون لره
ائل لر گرک تانییالار شیطانلاری
دینجلیگی بیله بیله پوزانلاری
سیلاحچیلار دؤیوشدورور دونیا اهلین
قان تؤکرکن آرتیریرلار دونیا دردین
ائل لر گرک آیریلیق دان چکینه لر
بیرلیک لری گؤز اؤنونه گتیره لر
سئوگی ایله آیریلیقلار گیزلنرلر
وئرگی لرله یاخجیلیقلار بیرلنرلر
دوشمنلیگی سئوگی ایله آتماق اولار
دینجلیگی سئوگی ایله تاپماق اولار
۱۳۹۸/۱/۲۷
