اولماز
هربیر ایشین اؤزو اولسا سؤزو اولماز
اولمایانین سؤزو اولار اؤزو اولماز
دوزلوگون وار آدی بوگون یوردوموزدا
بؤیوکلرسه چوخ دانیشار دوزو اولماز
یانار اودون ایچینده دیر ائلین چوخو
یوخسوللارا اودون یانار، کؤزو اولماز
ائلدن آیری، گؤره بیلمز ائل یاراسین
اوره ک گؤزو یوموقلارین، دوزو اولماز
ظلم ائدیلیر ائله بوگون چکینمه دن
عادل گؤرسه ، دیللنمگه گوجو اولماز
ائله بیل کی ائل آزیبدیر دوز یولونو
سورو ایتسه، سوت، قاوورتماج،قوزو اولماز
