آی ائللر
گئدر گئجه گلر گونوز آی ائللر
قیش یئرینی بیرگون آلار یای ائللر
قاراگونون عمرو آزدیر قورتولار
شنلیک ایله قاراگونون سای ائللر
دؤزوم گولو چتینلیکده آچیلار
دؤزنلرسه بیرگون اولار ، بایائللر
تک بیر بارماق اوخو یایا قویانماز
بئش بارماغین قیییب آتار یای ائللر
اگری یوللار چاتابیلمز آغگونه
آیریلیقدان گلمز سیزه های ائللر
دوز دانیشیب دوز ایشله سز بیرلیکده
اولماز سیزه یئراوزونده تای ائللر
غملری یوخ شنلیکلری بؤلسه نیز
یوردوموزدا باتماز«گونش» آی ، ائللر
