آذربایجان جنت دیر
محمداشراقی
چوخ گؤزل دیر آذربایجان باغلاری
گؤرمه لی دیر اوجا قارلی داغلاری
بولاقلاری دورو سولار قایناغی
یاشیل چؤلو قویون قوزو اویلاغی
گور چایلاری شاققیلداییب آخارلار
باغ باخچایا وارلیق یولو سالارلار
داش توپراغی قیزیل کیمی دگرلی
قیز اوغولو آنا دوغما بزه کلی
آذربایجان قهرمانلار یوردودور
دؤیوش گونو ائلی بوتؤوو اوردودور
بیلنلری قوللوق ائدر دونیایا
اره نلری اورنـگ اولار عـرفانـا
آذر ائلی یاراشیقلی ملت دیر
آذربایجان عدن آدلی جنت دیر
