اورمو گؤلو
دئییرلرکی یوزده دوخسان قورویوب
او گور درمان ائله بیل کی سووولوب
نئچه یولا گئتمیشیدوخ اورمویا
یاراشماییر اورمو گؤلو قورویا
دالغالاری آشیراردی گمی لری
نفس لری آییلداردی زمی لری
ساخلایاردی نئچه چایین سویونو
یاغدیراردی یاغیش قاری دولونو
مین لر ایلین دنیزی دی دوغرودان
دالغا ایله یارالداردی بورلوغان
دیری ایدی بو گؤل ایله بؤلگه میز
وارلی ایدی کؤلگه سینده اؤلکه میز
سد لریله قوروتدولار سویونو
کیچیتدیلر گونو گوندن بویونو
بیر یول ایله ایکی یئره بؤلوندو
بئله لیک له آرتیق خسته گؤروندو
باشارمایان ایشی گؤرسه بئله اولار
اینانیرام گؤله بیرده سو دولار
بو ایش اوچون چالیشمالی ائل بوتون
فایداسی وار بئله ایشین ائل اوچون
محمداشراقی
