آذربايجان از اشعار محمد اشراقی

اودلار يوردو آدلي سانلي آذربايجان
ياشيل باغلي اوجا داغلي آذربايجان
قارتاللارين يوواسيسان آذربايجان

قوچاق بابك ، خياباني ، ستارخانين
يوزلر بابا صائب له شمس شهريارين
دويقو بيليك اوجاغيسان آذربايجان

بؤيوتموسن قوجاغيندا ايگيدلرسن
ايگيدليگي سن دنيايا گتيرميسن
آنا يوردو يوواميزسان آذربايجان

ياراشيقلي توركجه سنه ائل ديلي دير
توركلوگوموز ائليميزه سئوگيلی دير
تورك ائلينين قالاسيسان آذربايجان

ايشله يريك چاليشاريق اوغروندا بيز
واريميزي پايلایاریق يولوندا بيز
باشيميزدا سنه قوربان آذربايجان
قويماريق بيز دوشمن سنه اگري باخسين
ايسته يريك علمه گونش سندن شاخسین
تمدّنه يورد اولاسان آذربايجان

آند ايچيريك وارليغيني قوروياق بيز
البير اولوب ائلين ديلين ساخلاياق بيز
دنيا بويو ياشاياسان آذربايجان

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا
بستن