اؤلن- محمد اشراقی

دئدیلر بیریسی اؤلوبدور!
سوروشدوم آغگونو گؤروبدور؟
قوجایدی یا کی گنج اؤلوبدور؟
چیراغی یانمامیش سؤنوبدور؟
تانیردی تانرینی دوغرودان؟
قاچاردی اگریله اوغرودان؟
باخاردی بؤیوک لر سؤزنه؟
یییه ایدی باجاریق دؤزومه؟
بیلردی گونونون بیلیگین؟
اوخویوب یازماغین دیلینین؟
وئرردی وارین دان یوخسولا ؟
گئدردی ائلینی یوخلویا؟
یاناردی یوردونا اوره گـی ؟
داشیردی ائل یوکون کوره گی؟
دارلیق دا گؤزو توخ یاشاردی؟
چتین ده ایگید تک قالاردی؟
قویوبدور اؤزوندن قالقی لار؟
راضی میش ایشیندن خالق لار؟
اوشاغـی سؤزونه باخاردی؟
ائلینین دوگونون آچاردی ؟
گوجلونو سئوردی؟ یاغلاردی؟
یارالی یاراسین باغلاردی؟
دئدیلر بیلمزدی بولاری
تومودو ساققالی بوغ لاری
واری چوخ قره گون یاشاردی
قازانجین آلتینا ییغاردی
قازاش دان باشقاسین بیلمزدی
چتین یوک آلتینا گیرمزدی
اؤزونو گؤرردی اؤنجه ده
یولداشین اکردی دؤنگه ده
دئدیم کی دئنه دوز مال اؤلـوب
یئتیشمیش دئیگیلمیش کال اؤلوب
وارلیمیش یئر یوردو چوخوموش
کیشی لیک دگری یوخوموش
آپارین تاپشیرین توپراغا
تله سین توپراغا قویماغا
تایینی گؤرمه سین یئریمیز
قوتولدو الیندن ائلیمیز

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا
بستن