ایزو گلیر*- محمد اشراقی
قیش چیخیبدیر بوندان بئله یاز اولاجاق
کرخانا دا ایزو سؤزو ساز اولاجاق
ایزو آدلی داللاک گلیب سیدآوییا
گلن ایل دن ائل کاکیلی یان قویاجاق
تانییاجاق ایشچی ایشین ایش اوستونده
بئکارلارا سرم سازی دار اولاجاق
ایش لریمیز اؤلچولجک ایزو ایله
اگری لرین توک لو باشی داز اولاجاق
یاخشیلاشیب آرتاجاق دیر محصولوموز
خارجه نین بازارلاری دار اولاجاق
صاحبکارلار سیاستین دئییشجک
ایشچی لرله آرالاری ساز اولاجاق
چوخ گلیرله آرتاجاقدیر آیلیغیمیز
یوخ دور سؤزو، بوندان بئله وار اولاجاق
دوننه جان اؤردک ایدی مالیچی لر
صاباح دان دا ایزوچی لار غاز اولاجاق
ایزو دئمک بیزو کیمی بیر جانلی دیر
یئتیشمه ساخ آرالیق دا خوار اولاجاق
«گونش»کیمی آیدین بیر سؤزدئمه لییم
چوخ ایشیله ایزو بیزه یار اولاجاق
