اؤزوموزو تانییاق؟ خودرا بشناسیم!-اشعار محمد اشراقی
اؤزوموزو گرک لی دیر تانییاق
تانیماساق باشارماریق یارییاق
بیز کیم لریک هانسی ائله باغلیبیق؟
هانسی چؤللو هانسی چایلی داغلیییق؟
دیلیمیزین آدی ندیر؟ بیلیریک؟
دیلیمیزه یاخشی دگر* وئریریک؟
آتابابا فرهنگینی تانیریق؟
بو فرهنگی گلن لره* ساخلیریق؟
تاریخ بویو شاهلیق ائدیب ائلیمیز؟
تمدونون قایناغی دیر یئریمیز؟
دینیمیزین اؤلچولرین ساییریق؟*
ائل ایچینده یاخشیلیغی یاییریق؟
بوسورغو*لار یول گؤسترر ائل لره
دیرچه لیشین* سؤزون سالار دیل لره
سؤرغوسوز* ائل، بیلمز نئجه یاشاییر
دالی گئدیر؟ دیرچه لیری؟ یاراییر؟*
کئچمیشینی سایمایان* ائل ییخیلار
دئمک اولار دؤیوشمه میش قیریلار
ائل اولاراق منیمسه یک* واریمیز!
ایشلینه یول گؤسترر تاریمیز!
سورغوسوز ائل، دالی قالار ایشینده!
ال دن وئرر دگرلرله دیلینده!
سؤزلوک:
*دگر: ارزش
*گلن لره: به آیندگان
*ساییریق؟: محترم می شماریم؟
*دیرچه لیشین: رشد را
*دیرچه لیر: رشد می کند
*سورغو: سؤال
*یاراییر: مؤفق است؟
*سایمایان: بی توجه
*منیمسه یک: تصاحب کنیم
*سورغوسوز ائل: ملت بی سؤال
