گؤزللیک- اشعار ترکی محمد اشراقی
گؤزللیک دن انسان آلار الهامی
گؤزللیک لر قورویارلار انسانی
یارادان لا یارانتی لار گؤزه ل دیر
گیزلی آیدین دونیا دولو گوزل دیر
یارانیشین ساغی سولو گؤزل دیر
گؤی ده سایسیز, سامان یولو* گؤزل دیر
یاماج* لاردا یاشیل باغلار گؤزل دیر
باشی قارلی اوجا داغلار گؤزل دیر
یاخشیلیق لار ان اؤنملی گؤزللیک
گؤزللیک سه یاخشیلارا اؤزللیک
گؤزل گؤزو گؤزل گؤرر دونیانی
داغ دره نی چؤلو چایی دریانی
آی بنیزلی* ساچی قارا گؤزل لر
ساییلارلار گؤزللیک ده اؤزل لر
گؤزللیک لر آرتیرارلار دینجلیک
انسانلارا یارالدارلار دیریلیک
گؤزللیک لر تؤره لدرلر سئوگی لر
ائلین ایچره باغلایارلار ایلگی لر
*سامان یولو: راه شیری
*یاماج : کوه و کمر
*آی بنیزلی: ماهرخ,مه رو
