بیرلیک- اشعارترکی محمد اشراقی
چوخلاری ایتیریب اؤزونو
بیلیمیری دئدیگی سؤزونو
دئیینیر بیلمیری نولوبدور
یازگونو گول چیچک سولوبدور
بیرچوخو یاتانمیر آجلیقدان !
بیرآزی قاچانمیر توخلوقدان!
بیر بئیله آیریلیق هارداندیر؟
کئچمیشده چالینان سازداندیر؟
ایشلرین دویونو آچیلمیر
یاتانلار یوخودان آییلمیر
هره اؤز قوتورون قاشیری
ائله بیل کؤهول ده یاشیری
دئمیرلر ائل دردین ائل بیلر
سولارین قایناغین سئل بیلر
اؤلومه چاره یوخ دئیرلر
ائل یولون بیرلیک له گئدرلر
بیرلیک ده آغریلار قورتولار
چتینده آیریلار اوتوزار
