دنیا کیمین الینده دیر؟- اشعار ترکی محمد اشراقی
بیلیریک کی دنیا کیمین الینده دیر
کیم یئیری کیم قازانیر چتینده دیر
کیم لریسه نقشه چکیر دؤیوشلره ۱
دؤیوشلردن سونرا اولان بؤلوشلره ۷
اوزاقلاردا کیم تؤره لدیر ۲ دوشمنلری
یالان یئره قارادش کیمی گولنلری
ائللر ایچره آیریلیغا دن سپیری
دؤیوشلردن قازاناراق انلنیری
سیلاح ساتیر اؤلدورنله اؤلنلره
یامان دئییر بیر بیرلرین سئونلره
ائللر گرک تانییالار شیطانلاری
دینجلیگی بیله بیله پوزانلاری
سیلاحچیلار دؤیوشدورور دونیا اهلین
قان تؤکرک آرتیریرلار دونیا دردین
ائللر گرک آیریلیقدان چکینه لر ۳
بیرلیکلری گؤز اؤنونه ۴ گتیره لر
سئوگی ایله گیزلنرلر آجیلیقلار
وئرگیلرله بیرلنرلر یاخجیلیقلار
سئوگی آرتسا اسگیلرلر ۵ چتینلیکلر
ائللر ایچره ییغیشیلار گرگینلیکلر ۶
آتماق اولار دوشمنلیگی سئوگی ایله
تاپماق اولار دینجلیگی سئوگی ایله
۱۳۹۸/۱/۲۷
محمداشراقی«گونش»
سؤزلوک:
۱- #دؤیوشلره: به #جنگها
۲- تؤره لدیر: ایجاد می کند
۳- چکینه لر: دوری کنند
۴- گؤز اؤنونه : پیش چشم
۵ -اسگیلر: کاهش می یابد
۶ -#گرگینلیکلر: #تنشها،
#اختلافات
۷-بؤلوشلره: تقسیمات
