یاخشی منلیک- اشعار ترکی محمد اشراقی
انسان گرک دگرلرین آرتیرا
گونو گوندن منلیگینی قالدیرا*
یاخشی منلیک، یاخشیلیقلا یاشاماق!
ائلین ایچره آغیرلیقلا یاراماق!*
یاخشیلیقلار، نئجه چیخار ائشیگه؟
یاخشیلیقلا, گئدیشلرده دئییشه
دیریلیگین دادی هاچان بللنر
او جاغدانکی یاخشیلیقلار ایشلنر*
یئییب ایچمک, یاتیب دورماق, ایشلمک,
ایشیلمک له امک لری* دیشلمک
اؤنملی دیر، آنجاق بوتوو ساییلماز
یاخشیلیقلار گیزلی قالسا تانینماز
انسان گرک اؤزلوگونو دوشونه
منلیگیده گؤز اؤنونده گؤرونه
آرا آچا حیوانیله گؤروشده*
گؤزه گله دگرلری اؤروشده*
بو گؤروشو یاخجی تانیر ارنلر
منلیک لری اؤنلرینده گئدنلر
*قالدیرا: ارتقا دهد
*یاراماق: توفیق یابد
*ارلنر: فعال می شود