ائلیله یاناشما*- اشعار ترکی محمد اشراقی
یاخشینین یو‌لداشی آز اولار دوشمن دن
گرک دیر اؤشه نه* آغلاییب گؤلن دن
کیم گؤردون دانیشیر بؤشونا* سریری
یالاندان بؤیونا* اؤخشاما* دئییری
یا ایستیر ایاغون آلتیندا اؤتورسون*
یاگؤزون باغلاییب تلیییه* اؤتورسون*
گرک دیر یاتاندا گؤز آچیق یاتاسان
ایشینده اؤیماییب چؤخ آییق اؤلاسان
تؤولایان اؤزویله سئودیگین گتیرر
باشلاری قاتاراق سئودیگین گؤتورر*
بیلیک له باشاریق* اؤیوندا آییقلیق*
ائللره گرک دیر دوزلوک له ساییقلیق*
آدام وار پیسیله یاخشینی تانییار
اؤزونو قؤرویوب، ایشینده یارییار*
بیلمیین بیلیکسیز تؤتوشار* اؤزگه یله*
آل وئرده دئییشر بیزؤوو* گؤنگه یله*
باریشیق یاخشی دیر یالانچی دؤیوش دن*
دانیشیق یاخشی دیر یالانچی سؤیوش دن*
گرک دیر ائلیله قؤنوشوب دانیشماق
دگرلی کیمسه یله قؤشولوب یاریشماق
بو گئدیش ائللرین ایچره ده بئله دیر
باخیلسا بیلینر آلوئرلر نئجه دیر
دینجلی* یاشاییش دیرچلیش* گتیرر
اینجیلی* یاشاییش دیرچلیش ایتیرر*
سؤزلوک:
*اؤشه نه: آحتیاط کند, شک کند
*بوشونا: بیهوده *اوخشاما: تعریف
*بویونا: قامتش *اؤتورسون: بنشیند
*تلیییه: به تله *آییقلیق: بیداری
*ساییقلیق: هشیاری
*توتوشار: درگیر می شود
*باشاریق: مهارت
*یارییار: مؤفق می شود
*اؤزگه: بیگانه
*بیزوو: گوساله( تازه متولد شده)
*گؤنگه: گاونر جوان
*دؤیوش: دعوا *سؤیوش: دشنام
*دینجلی: آرام *دیرچلیش: رشد
*اینجیلی: رنج اور *ایتیرر: ازبین می برد
