دؤیوش
دؤیوشمک انسانا یاراشماز
دوشونن انسانلار ساواشماز
دوشونن گرک دیر گئچینه
ائلینه سئوگیله یئتیشه
ائل ایچره دؤیوشمک آغریدیر
اورکلر دؤیوشدن داغلیدیر
کئچمیشده دؤیوشلر اولوبدور
ایگیدلر گول کیمی سولوبدور
دؤیوشو سالارلار شیطانلار
ائتمزلر بو ایشی حیوانلار
دؤیوشله دئییشر انسانلیق
قئییدر انسانا حیوانلیق
دؤیوشن جانینی ایتیرر
اؤلمه سه وارینی بیتیرر
عقیللی باریشی باشارار
ایشینی باریشلا آپارار
دؤیوشله پیسه لر دیریلیک
یئرینه اوتورار اینجیلیک
دؤیوشو اوتاندا اوتوزار
چتتنلیک آلتیندا یورولار
دینجلیک بهشتین گؤلگه سی
دؤیوشسه جهنم بؤلگه سی
گرک دیر دؤیوشو اونوتماق
یئرینه دینجلیک اوتورتماق
