گرکدیر یوخسولا یئتیشمک -اشعار ترکی محمد اشراقی
کرونا قاتیبدیر ایشلری
چوخ یئرده قیریری ایپلری
آزالیب آلوئرین گلیری
چتینلیک ایییسی گلیری
چتینلیک گئتدیکجه آرتاجاق
چوخلارین پالچیغا سالاجاق
یوخسوللوق گرکمز چوخالا
گلیرسیز گرکدیر دولانا
ائل گرک بیربیرین گؤزلییه
چتینی آرتماغا دؤزمییه
دولتلی دولتله بیرلشسین
یوخسوللا ایشسیزه یئتیشسین
یوخسوللوق چتینلیک گتیرر
ائل ایچره گرگینلیک یئتیرر
گرکدیر یوخسولا یئتیشمک
اسگیگین یئرینده یئتیرمک
