انسان حقلری – اشعار محمد اشراقی
تانری بیر دیر مذهب نئچه دین نئچه؟!
انسان بیردیر دولانیشی مین نئچه؟!
تانری بیر دیر دیریلیکده بیر اولسون
دولانیشلار بیلیکلردن دوغولسون
ان بیرینجی یاخجی حقدیر آزادلیق
آزادلیغی پوزان دوغار یامانلیق
انسانلارین حقی گرک تانینا
یئینلرین اللریندن آلینا
هانسی ائلده انسان حقی قورونا
یاشاییشدا ایشلر دوشر یولونا
یئراوزوندن ییغیشلسا دؤیوشلر
دؤیوشلرین یئرین توتار گؤروشلر
اولار بو ایش دوزلوک اولسا هامیدا
گوجلو، گوجسوز ، اوشاق کیشی قاریدا
دوزلر گرک ایش اوستونه گله لر
اگریلرسه ایش اوستوندن گئده لر
