عؤمور دگرلی دیر- اشعار ترکی محمد اشراقی
یاشاییش دگرلی نعمت دیر
دیرچلیش اوغرونا فرصت دیر
عؤمور بیر اؤنملی گنج دیر
ایتیرمک گؤرکملی رنج دیر
هانسی گون اؤیرندون اوتموسان
فایدالی ایش گؤردون تاپمیسان
بوش گونلر ضرردیر کؤکوندن
ساییلماز دیریلیک گونوندن
بیلمه مک یوخسوللوق گتیرر
یوخسوللوق عؤمورو ایتیرر
چاغلاری گرک دیر قورویاق
عؤمورو شنلیک له بویویاق
کیمسه کی اؤیرنیب ایشلییه
باشارار قازانجین دیشلییه
بیلنلر آز ایشلر چوخ یییر
بیلمیین چوخ ایشلر آز یییر
دینج ده یاشاماق ایستین
اولمالی بیلیک لی ایشلیین
ائل لرده گرک دیر بیله لر
دورمادان ایشله ییب یییه لر
