یازیرام- اشعار ترکی محمد اشراقی
گئجه گوندوز یازار ال ده یازیرام
گون قارالدیب اؤز گورومو قازیرام
بیلدیگیمی یازابیلسم یاخشی دیر
آنجاق هردن قورخو باسیر آزیرام
گؤرورم کی دوز گؤرونور یالانچی
ائل اگنینه پالتار تیکیر پالانچی
گؤی ده گئدیر یالان پالان دوز یئرینه
ائل وارینی تالاییری تالانچی
بوتون ائل لر یوکو چاتیب گئتدیبلر
بیزی دئمک برک یوخویا وئریبلر
یوخ دور کیمسه* پوزا آغیر یوخوموز
آییقلارسا قورخو کورکون گئییبلر
«گونش»ایستیر ایشیق سالا داغلارا
یاغیش یاغا یاشیل کؤینک باغلارا
چوبان چالا آزادلیغین هاواسین
ائل اویانا آددیم آتا چاغلارا*
یازلیق* اولا ائلیمیزین هاواسی
توخدایا بیر مینلر ایلین یاراسی
پیسلیک گئده یاخشیلیقلار دیرچله
یاخینلاشا وارلی یوخسول آراسی
*کیمسه: کسی
*چاغلارا : به عضرها
*یازلیق : بهاری
