گنج لر گنج دیرلر- اشعار ترکی محمد اشراقی

 

 

ائللرین گنجی  دیر گنج  لر

ائل چکر گنج* اوچون رنج لر

 

اوشاق لار بؤیودو گنج اولار

گنج لر ایشیله دینج  اولار

 

گنج کی بیلیگی قازاندی

سئودیگی ایشلری باشاردی

 

ایش ایستر ایشلییه قازانا

ائلینه قاریشا یاشایا

 

ایشسیز گنج ائلینه یوک اولار

ایشله سه کئفی ساز کؤک اولار

 

ایشسیز گنج اینجییر داریخار

تئز داشار ایچینده آجییار

 

اؤزونو دگرسیز  دوشونر

ائل ایچره ائتگیسیز  گؤرونر

 

ایش گنجه یاشاماق گوجودور

دوز یولون آراماق  گؤزودور

 

سو نئجه ائل اوچون گرک دیر

ایش ایسه گرکلی دئمک دیر

 

ایشسیزلیک ائل لره آغری دیر

دینجلیک* ایشیله باغلی دیر ..

 

»گونش«ین سؤزلری دوغرودور

ائل اوچون دینجلیک یولودور

 

نوشته های مشابه

دکمه بازگشت به بالا