معنویت گره ک لی دیر – اشعار ترکی محمد اشراقی

دنیا دئمک کؤچری لر یوردو دور 

کیمسه قالماز بئش اون گونلوک اوردو دور 

بو اوردونون قوشونلاری بیزلریک 

یولداشلاری دوشمن کیمی ایزله ریک 

بو اوردونون ایشی یالنیز چالیش دیر 

چالیشمادا یاشایاراق باریش دیر 

آنجاق اوردو دؤیوش اولوب بیر یوللوق 

اولدورورو انسان اوغلون بیر دونلوق 

وار دؤیوشو واردان سالیب ائللری  

ییخیب دئمک چوخ یئرلرده ائولری 

معنویت گوج دن دوشوب گئت گئده 

ایسته ییری مادیت له بیر گئده 

چتینلیک لر  بوردان چیخیر گؤرونور 

بئله لیک له بوتؤولوک لر بؤلونور 

دوزلوک ایتیب ائللر دوشوب چتینه 

کسمک اوچون کسر توتوب الینه  

وار اولوب دور اؤلچو ائله بوگونلر 

ائل ایشینده یارانیب دیر دوگونلر 

معنویت گره ک لی دیر قاییدا 

ائل ده دوزلوک ایچه ری دن آییلا 

ائوی ییخار پوزغونلوغون چوخلوغو 

پوزغونچویا قوروقلارین یوخلوغو 

راضی دئگیل بو دوروما یارادان 

گره کلی دیر ‌پیسلیک گئده آرادان