یوکسلیش یوللاری- اشعار ترکی محمد اشراقی

ائل ایستر یوکسلیشه  ال قاتا آبادلیقلا دینجلیگه ال تاپا

یوکسلیش یوللاری

 

ائل ایستر یوکسلیشه  ال قاتا

آبادلیقلا دینجلیگه ال تاپا

 

ائل واردیر یوکسلیشه چاتیبدیر

یوخسوللوغون داشین بوتون آتیبدیر

 

ائل ده واردیر چالیشیری دوغرودان

قورور اؤزون اگری ایله اوغرودان

 

ائل ده واردیر دایانیبدیر بیر یئرده

ائله بیل کی اوزانیبدیر قبیرده

 

یوکسلیشه چاتماق یولو نئجه دیر؟

بیلن ایستیر دوز یوللاری سئچه بیر!

 

هربیر ائلین اؤزو اوچون یوللار وار

یوللار ایچره اگری اویرو قوللار وار

 

یوکسلیشین یولو اوچون دوزلوک‌ گرک

ائلین چوخو باشاریقلی گوجلو گرک

 

بیلیک ایله آزادلیقلار اوستون اولا

ائل سئورلیک ائلین ایچره دوزگون اولا

 

بئله اولسا یوکسلیشه یول آچیلار

اولماسا ائل قافله دن دالی قالار

 

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا