دنیا – از اشعار ترکی محمد اشراقی

دوشوبدور گؤزومدن دنیادا نه کی وار! ایچی بوش طبیلدیر دگرلی نه یی وار؟ بیلمیرم هارادان گلمیشم هارایا گئدیرم! اویونجاق اولموشام باشینا یئریرم 

دوشوبدور گؤزومدن دنیادا نه کی وار!

ایچی بوش طبیلدیر دگرلی نه یی وار؟

بیلمیرم هارادان گلمیشم هارایا گئدیرم!

اویونجاق اولموشام باشینا یئریرم 

نئچه گون قوناغام کسیلر داماریم 

سیزلرده  بویولون یولچوسو ایاغیم 

بیلمه ین یاشاییر قالیبدیر آغزآچیق

بیلنلر دئمه ییر بیلدیگین اوست آچیق 

بویالی هورولموش بیر ایپدیر یارانیش

بو ایپین ان گؤزل تئلیدیر یاشاییش

گؤزه للیک قالماییب ایپیمده قیریلیر        

اگنیمه تیکیلمیش گئییمیم جیریلیر

سئوگیلیم گل ایلش بیر آزدا دینجه لک

سئوگیلر ایچکیسین ایچره ک دیرچه لک

بیلمزدیم بئله بیر کلکدیر یاشاییش

یازیمی آپاریب بیرسویوق قاراقیش  

گئدنین دالیجا گئتمزلر بیلنلر

گتیرر شنلیکله گؤزه للیک گلنلر    

 

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا
بستن