آذربایجان  – اشعار ترکی محمد اشراقی

اودلار يوردو آدلي سانلي آذربايجان     ياشيل باغلي اوجا داغلي آذربايجان قارتال لارين يوواسيسان آذربايجان

اودلار یوردو آدلی سانلی آذربایجان    

یاشیل باغلی اوجا داغلی آذربایجان

قارتال لارین یوواسیسان آذربایجان

 

قوچاق بابک ، خیابانی ، ستارخانین    

یوزلر بابا  صائب له شمس  شهریارین

دویقو بیلیک اوجاغیسان آذربایجان

 

بؤیوتموسن قوجاغیندا  ایگیدلرسن  

ایگیدلیگی سن دنیایا گتیرمیسن

آنا یوردو یووامیزسان آذربایجان

 

یاراشیق لی تورکجه سنه ائل دیلی دیر  

تورکلوگوموز ائلیمیزه  سئوگیلی دیر

تورک ائلینین قالاسی سان آذربایجان

 

ایشله یریک چالیشاریق اوغروندا بیز    

واریمیزی پایلایاریق یولوندا بیز 

باشیمیزدا سنه  قوربان آذربایجان

 

قویماریق بیز دوشمن سنه اگری باخسین  

ایسته یریک علمه گونش سن دن شاخسین

تمدّنه یورد اولاسان آذربایجان

 

آند ایچیریک وارلیغینی قورویاق بیز 

البیر اولوب ائلین دیلین ساخلایاق بیز 

دنیا بویو یاشایاسان آذربایجان

 

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا