اوشاقلار بؤیوک دور لر 

*مدیرمسئول -محمّد اشراقی

 اوشاقلار گول کیمی گؤزه ل دیر 

ایی ایله بویادا اؤزه ل دیر  

نازیله بؤیوسه ناز اولار 

هامیله یوموشاق ساز اولار 

باخماسا بیر سؤزه سؤزو وار 

بیر آیری سؤزده بیل گؤزو وار 

سن سن کی گره ک دیر بیله سن 

نه ایستیر تاپاسان وئره سن 

اوشاقلار دنیاسی گؤزه لدیر 

دنیانی گئتدیکجه دوزه لدیر 

ایستگی اوزاق دا گؤره رلر 

یوللاری تاپماغا دؤزه رلر 

بؤیوک لر یوللاری  دئسه لر 

ایستگی سئوگیله وئرسه لر 

راضی اولار بؤیوک ده اوشاق دا 

سئوگی ده دولانار اوجاق دا 

اولماسا راضی لیق آرادا 

پوزولار دینجلیک اودادا 

ایستیریک اوشاغی بؤیودک 

گره ک دیر اوشاق دک بؤیویک 

نه دئییر دوشونک دریندن  

توتاق بو چتین ده الیندن 

اوشاقلا اوشاقلیق ائتمزلر 

کؤنزلیق دونونو گئیمزلر 

اوشاغین ایستگی سئوگی دیر 

اوشاغی دوشونمک وئرگی دیر 

دوشونمک اولماسا آرادا 

بیلینمز آغیلا قارادا 

راضیلیق گره ک دیر اوشاغا 

آیدین دیر بو سؤزلر اویاغا

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا