اویما گل
*مدیرمسئول -محمّد اشراقی
هئچ بیرسؤزه گؤزو باغلی اویماگل
قارانلیغا آیاغینی قویماگل.
گئچنلرین سؤزلرینی ائشیت سئچ
دوشونمه میش سؤزو دوغرو توتماگل
بیلمه مزلیک کؤرپوسودور خرافه
بیلمینلر کؤرپوسونده دورماگل
گؤردوگونو یوخلا دوشون عقله سال
گرچکلره اوره ک گؤزون یومماگل
دوزله اگری دؤیوشونه درین باخ
اویدوروجو اؤلچولره دورماگل
بیلیک له عقل بیرده اوره ک قورقوسون
گؤزو باغلی اویونلارلا پوزماگل
بیلدیگینی آچیق سؤیله ائلینه
دوز سؤزلره یالان قاتقی وورماگل
اگری یوللار یارامازلار دوز ایشـه
تانیدیغین دوز یول لاری بورماگل
بیلیک دئین یوللار ایله گؤر ایشین
اگری یولدا ال قولونو یورماگل
باشاردیغین آخید ائله چای کیمی
گؤزه سی دار قورو بولاق اولماگل
»گونش«کیمی آیدین دورو دوز دانیش
دیریلیکده آچیلمامیش سولماگل
