ارک قالاسی از اشعار ترکی محمد اشراقی
ائلیمیزدک باشی بلالیسان ارکیم
اوستونلوک ده ائلین جلالیسان ارکیم
زلزله ده داغیلسادا وار لا یوخون
حله گینه ائله قالالیسان ارکیم
دؤیوش لرده یوردوموزو قورویوبسان
ساوالان تک ایگید یاتاغیسان ارکیم
یئتدی یوز ایل دایاق دوردون ائلیمیزه
ائلیمیزین سینماز دایاغیسان ارکیم
کئچمیش لرده ییخیلماغین ایسته دیلر
دارگؤزلرین چالی تیکانیسان ارکیم
توپ لار قازیب یارالاییب اوز گؤزونو
دشمن لردن درین قانلی یارالیسان ارکیم
قازیر بوگون کؤکون سنین آغیر بئل لر
دینن یوخ دور ائل دن آرالیسان ارکیم
قورتولارسان ال لریندن بیلمزلرین
دیلیمیز تک ائله قالالیسان ارکیم
هاچانا دک»گونش«شاخار یوردوموزا
ائلیمیزه گؤلگه سالالیسان ارکیم
