شعر ترکی ییخان سیاست- محمد اشراقی
سیاست دیر ائوین ییخیر ائللرین
قیریر گونده صلح سازی تئللرین
قورخولودور دؤیوشلرین خبری
یالانلارین گله جگه یه اثری
سیاستین آتا آنا یوخودور
آخار سویا الین ویرسا قورودور
طبیعتین دئییشیری نقشه سین
گؤرور بوتون دوز ایشلرین ترسه سین
گولن لری آغلادیری چوخ یئرده
یئتیم قویور اوشاقلاری چوخ ائوده
شیطان یاتیب سیاستین دالیندا
یالانچینی دولاندیریر یانیندا
سیاستین قازار کؤکون آزادلیق
آزادلیقلا ائللر گؤرر آغالیق
ائللر گرک سیاسته اویمایا
یالان سؤزو دوز یئرینه قویمایا
