آج قورد
گئچن سایی دان …
تولکو قارداش آج قورد بیزی تالاییر
بیزدن آلیر زومارینی قالاییر
دووشانیدا یول اوستونده تاپدیلار
قورد پیسلیگین هامیلیقلا قاندیلار
تولکو ، قارتال ، دووشان قارداش یئرایله
قیزیل قوش دا بولود کیمی گؤی ایله
داغ بؤیرونده قورد قاغایا چاتدیلار
باش اوزالدیب قازماسینا باخدیلار
قورد گؤره رک اؤزون ویردی اؤلومه
آج گؤرونسون آلدانان لار گؤزونه
قارتال دئدی آ- قورد قاغا نئجه سن؟
ایسته مه سین تانری سنی اؤله سن!
قورد اوزانیب یاتدی یئره مهر ائتدی
تولکو دئدی دونیا بونا قهر ائتدی
گلین بونو کیشی کیمی قویلایاق
اوخشایاراق اؤلوسونه آغلایاق
تولکو دئدی قارتال یوردو آغلادی
یازیق قوردو فلک توتدو باغلادی
گؤز آلتیندان اؤلومجول قورد باخیردی
چئوره سیندن قاچاق یولو تاپیردی
تولکو بیلیب توتون دئدی یولداشلار
اؤلونو تئز اییله نمه میش قویلارلار
قوردو دیری توپراق ایچره قویدولار
ایچ یووادا جمدک ایله دویدولار
تولکو دئدی خائن گره ک تانینسین
ائلین واری ال لرینده ن آلینسین
خیانتین کؤته گی ده اؤلومدور
گونش دئیر: بو بیل آیدین سؤزومدور
دورون گئدک آیین شایین یاشایاق
خیانتین یول لارینی باغلایاق
محمد اشراقی
