ائلیله یاناشما- اشعار ترکی محمد اشراقی
یاخشینین یو‌لداشی آز اولار دوشمن دن گرک دیر اوشه نه آغلاییب گولن دن
یاخشینین یو‌لداشی آز اولار دوشمن دن
گرک دیر اوشه نه آغلاییب گولن دن
کیم گؤردون دانیشیر بوشونا سریری
یالاندان اوخشاما بویونا دئییری
یا ایستیر ایاغون آلتیندا اؤتورسون
یاگؤزون باغلاییب تلیییه اؤتورسون
گرک دیر یاتاندا گؤز آچیق یاتاسان
ایشینده اویماییب چوخ آییق اولاسان
توولایان اؤزویله سئودیگین گتیرر
باشلاری قاتاراق سئودیگین ایتیرر
بیلیک له باشاریق اویوندا آییقلیق
ائللره گرک دیر دوزلوک له ساییقلیق
آدام وار پیسیله یاخشینی تانییار
اؤزونو قورویوب، ایشینده یارییار
بیلمیین بیلیکسیز توتوشار اؤزگه یله
آل ویرده دئییشر بیزووو گؤنگه یله
باریشیق یاخشی دیر یالانچی دؤیوش دن
دانیشیق یاخشی دیر یالانچی سؤیوش دن
گرک دیر ائلیله قونوشوب دانیشماق
دگرلی کیمسه یله قوشولوب یاریشماق
بو گئدیش ائللرین ایچره ده بئله دیر
باخیلسا بیلینر آلوئرلر نئجه دیر
دینجلی یاشاییش دیرچلیش گتیرر
اینجیلی یاشاییش دیرچلیش ایتیرر
۱۳۹۸/۱/۲۱
