تورکی یازماق یاخجی دیر*نوشته محمد اشراقی
دونن ۵٠ ترک فارسی نویس آدلی بیر کتاب الیمه چاتدی. بو کتابدا آدی گئچن ۵٠ فارسجا یازان تورک یازیچی، شاعر و بیلگین لرین چوخو ایله تانیشیدیم. بیر ایکی ساعات دا دئمک اولار ۴٠٠صفحه لیک نارین یازیلی کتابین چوخونو گئچری اوخودوم. کتابی یازان بهمن نظمی و ناشری نشر فروزش دیر. ایران تاریخینده اثرلی ۵٠ تبریزلی تورکون دیریلیگی بو کتاب دا، بو سورغونو من ده اویالتدی کی گؤرسن تورک یازیچی لارین چوخو نییه تورکجه یازمیر لار.
بو سؤزو من اؤزوم دن ده سؤروشورام کی من کی شعرلریمی تورکجه یازیرام، نییه مقاله و یادداشت لاریمین چوخونو فارسجا یازیرام. منجه یازیچی یازاندا ایلک اولاراق ایستر، ایشلرینی اوخویانلارین آختاریب تاپسین، دئمک گؤیلو
ایستر، یازیب یایدیغینی، چوخ آدام اوخوسون. ایکینجی سبب ده تورکونون ایران دا تحصیل و تدریس اولماماسی دیر. بونا گؤره بیزیم یازیچی لاریمیزین چوخونون، تورکو دیلینده ساوادسیز اولماغی نین ندنی دیر. دئمه لیدیر بیزیم ایندیکی و گلجک یازیچی، شاعر و بیلگین لریمیز اؤز آنا دیل لری نین یازیب اوخوماسینی اؤیرنمه لی دیر لر. بئله اولسا اثرلری ائلیمیزه، ادبیات و فرهنگیمیزه درین تاثیرلر بوراخار و دیلین دگرلی ارثیه لری کیمی قارشیلانار.
