دئییرلر
دئییرلرکی شنلیک واردیر
کیرشانیله انلیک واردیر
آغ بئزیله ایپک دون وار
یوخسوللوغا دئمک سون وار
بیری واردیر گون گؤرورو
مینی لری ده گون سورورو
توخلوغوندان اؤلن واردیر
آجلیغینا دؤزن واردیر
قارا واردیر آغ گئیینیر
قورو یئره باغ دئییلیر
دوزلر دؤنوب یالان اولوب
یاغلی چؤنوب یاوان اولوب
آزالیبدیر کئفی سازلار
چوخالیبدیرگؤزو دارلار
انیشیله یوققوش واردیر
اؤلومیله دوغوش واردیر
دیریلیک ده آغری چوخدور
اوغرو لاری توتان یوخدور
آجلار گرک توخالسینلار
یاخشی لارسا چوخالسینار
یالانچی لار دوز دانشسین
دوزلوق اودو دوز آلیشسین
اگری یوللار یالنیش دیرلار
دینجلیگه قارقیش دیرلار
۵/۵/۱۴۰۰
