اسلحه

اسلحه
یارانیب قورخودان
کسندیر قورخودان
قورویار یییه سین
اگری له اوغرودان

سویوغو یاخجی دیر
ایستی سی آغری دیر
«ییغیشسین دنیادان»
دوغرو بیر چاغری دیر

سالیب دیر دؤیوشلر
ائدیری یوروشلر
انسانی اؤلدورور
گؤرمورو دوز ایشلر

آل وئری فایدالی
دئییلدیر قایدالی
آرتیریر اؤلومو
ال لر دن آلمالی

آزالمیر ساییسی
توکنمیر دالیسی
داغیدار دنیانی
ییخیلار یاریسی

ایسته ییر بو قونو
گوجلو بیر دوز یورو
آز ائده سایی سین
دنیادا دوز دورو

ییغیشسین سیلاحلار
کسمه سین پیچاقلار
اؤلمه سین دا کیمسه
یاشاسین انسانلار

بیلیک له یئمک لر
یوخسولا کؤمک لر
چوخالسین دنیادا
بیرله شسین دیلک لر

قلم لر گوجله نسین
بیلن لر بیرله نسین
دینجلیک چوخالسین
آغریلار گیزله نسین

اولان دیر بو ایشلر
دوراندیر دوز ایشلر
آزادلیق قورونسا
گؤرولر دوز ایشلر

1395/8/12

محمد اشراقی