شعری ترکی اوشاق از محمد اشراقی
دیریلیک یئمیشی اوشاق دیر
اوشاغی بؤیودن اوجاق دیر
سئوگی له یاندیرین اوجاغیز
سئویملی بؤیوسون اوشاغیز
سئوگیسیز اوشاق لار یامان دیر
توپلومو چتینه سالان دیر
سئوگی له چتین لر آچیلار
پیسلیک لر قیراغا آتیلار
وارلیغین بیراوزو سئوگی دیر
بیری ده سایقی تک وئرگی دیر
یازماغا بیر دنیز سؤزوم وار
سئوگی له سایقی دا گؤزوم وار
سئودیگیم کیمسه نی سایارام
سایقی له قاداسین آلارام
