تورک – محمد اشراقی
تورکون سؤزو ، گؤزه ل سؤزدور
تورکون اؤزو یاخشی ، دوزدور
اسلام دینی اصلانی دیر
تاریخیمیز دئییر دوزدور
تورکون اؤزو سؤزو گؤزه ل
آغ لا قارا بوزو گؤزه ل
قوجا ، قاری ، اوشاق لاری
پیس یاخشی سی دوزو گؤزه ل
هارا باخسان تورک ائلی وار
تاریخ ایچره چوخ یئری وار
دؤیوش ایله باریش لار دا
ائتگی لر ده بول ایزی وار
مین لر ایل دیر آییلیبدیر
یئر اوزونه یاییلیبدیر
دؤیوش ایله باریش لار دا
اون لار اؤلکه قاییریبدیر
