ساغلیق – اشعار ترکی محمد اشراقی
ساغلیق دی تانری نین وئرگیسی
دئمه لی هامی نین سئوگیسی
وار ایکن بیلینمز هاردا دیر
چتین ده یاغیش دا قاردا دیر
یئیریک سایماریق ساغلیغی
بیلمریک آریقلیق چاغلیغی
قالاریق سفره یه یئمه گی
دویاریق سئومریک گئتمه گی
شیشریک یئمک دن کل کیمی
یئریریک خرمن ده ول کیمی
دامارلار توتولار برکییر
اورکسه دؤیونر تؤوشییر
بیلیک له ساغلیغی ساخلاسان
آغریلار الینده قالماسان
بیلمه سن یئدیگین آغریدیر
بیلمه مک ائولری داغیدیر
یئمک له ایچمگین گؤزله سن
حکیم له درمانین گؤرمه سن
یاشاماق یوللاری بللی دیر
اؤیردن آز دئگیل اللی دیر
پیغمبر»ص« بویوروب آز یییاق
ساغلیقلا شنلیک ده یاشییاق
