تبریزیم
شهرلرین شهری دیر تبریزیم
مین لر ایلین اثری دیر تبریزیم
ساوالان تک باشی اوُجا یوُردوُموُز
آذربایجان دیری دیر تبریزیم
اوُجا داغْلی یاشیل باغْلی یورد اولان
ایرانیمیز بزه گی دیر تبریزیم
قوچ ایگیدلر یاتاغیْ دیر قوُجاغی
یوُردموزون گره گی دیر تبریزیم
ستارخان لا خیابانی بئجردن
انقلاب لار وطنی دیر تبریزیم
دار گونلرده کوْر اوغْلو تک ائللرین
کؤمـگینه گلـنی دیـر تبـریزیم
تاریخ بوْیو قارانلیق لار آردیندان
ائلیمیزین ” گونشی ” دیر تبریزیم
محمد اشراقی
