ايش ماهنيسي
يئر له گؤيو يارالديبدير ايش گوجو
گؤيه ساليب سامان يولو ايش گوجو
داغلار قالخيب ايش گوجويله آياغا
اللر چاتار ايش گوجويله گون آيا
اتم ايچي قايناييري ايشيله
وارليق دوغور اولمازيندان ايشيله
باخچالاردا گول ايشيله آچيلار
گؤزل اييلر يوردوموزا ساچيلار
ايش وارليق ديرگؤزلليك ديركمال دير
وار يوخوموز ايشچي لردن قالاندير
ايش يارالدار، يارلدان دا ايشچي دير
ياشاييشي دولانديران ايشچي دير
يئر اوزونده ايشله ينلر گوجله نر
ايشله ميين وار ايچينده كوفله نر
بيليك صنعت بوتونلوك له ايش ايستر
درين باخيش آييق دويقو ايش ايستر
ايشدن قاچما ! ايشيني گؤر اوره ك د ن!
آغير يوكون ايشيله آچ كورك دن !
قوي دئسينلر ايش ايشلدي ياراتدي
اؤزونو او ايش اوستونده قاراتدي
دئمه سينلر ايشلمزدي ياتاردي
دينجليك ده گونوگونه ساتاردي
ايشلمه ميش يئمك بيزه عاردي بيل
حق اؤنونده امگيميز آزدي بيل
گل ايشله يك يوردوموزو بزه يك !
وار اول دئسين بيزه اوجاگله جك
«گونش» چيخسين اؤلكه ميزده ياي كيمي
شن ياشاسين ائل لريميز باي كيم
2/9/1374
