علی (ع) کیم دیر
علی «ع»کیم دیر
پیغمبر«ص»ین عمو اوغلوسو نایبی
امام لارا آتا اولان علی دیر
دین قیلینجی عدالتین اؤرنگی
مقامیله وار سایمایان علی دیر
پیس لریله ظالم لرین اوره گینه
اصلان کیمی قورخو سالان علی دیر
بیر اوز گئییم هاچا قیلیج ایگیدی
دؤیوش لرده بیل قاچمایان علی دیر
خیبر کیمی آغیر قالا قاپی سین
بیر الیله تک قوزایان علی دیر
آرپا اونون یاوان یئین ،گئجه لر
یوخسول لارا پای آپاران علی دیر
شاه اولارکن نئچه بؤیوک اؤلکه یه
یوخسول کیمی شام سیز یاتان علی دیر
سجده اوسته اوزوگونو چیخاردیب
یوخسول لارا باغیشلایان علی دیر
قضاوت ده پیس یاخشینی آییران
مظلوم لارین حقین آلان علی دیر
محمد «ص»ین بیلیک شهر قاپیسین
گؤی یوللارین دوزتانییان علی دیر
ایلکین امام اؤز حقیندن گؤز یومان
ییریمی بئش ایل ائوده قالان علی دیر
ولایت له نبوت ین اوجاغین
دونیا بویو قیزیشدیران علی دیر
یئر اوزون ده تاریخ بویو دوغروچو
رهبر لره اؤچو اولان علی دیر
بؤیوک اره ن حق یولوندا جان وئرن
«گونش »کیمی ایشیق سالان علی دیر
12/10/77
محمد اشراقی
