عبادت-اشعار ترکی محمد اشراقی
عبادت اوره ک دن تانری یا اینانماق
اورگین بوتووون تانری یا بوراخماق
دیوار لا کؤلگه سی آراسی نئجه دیر
تانری لا یارانمیش آراسی ائله دیر
ائله کی دوروسان تانرینی تاپارسان
تانری لا بیرله شیب اؤزگه نی آتارسان
تانری دان آیریلماق اولارمی گؤره سن؟
دیری کن اؤزونو اولارمی بؤله سن؟
باشینا گلدیگین کیم ائدیر بیلیرسن؟
تانری دیر بیلگینی بیل دئییر بیلیرسن!
اؤزگه نی سایماماق دینجلیک گتیرر
تانری لا یاشاماق دیریلیک بیتیرر
باشاریق تانری نین گوجودور وارلیق دا
باشاریق قوتارار قالانی دارلیق دا
دنیانی گزه سن یئر له گؤی تانری دیر
تانرینی گیزله دن اویون لا آغری دیر
سن تانری، من تانری یاشاییش ایش تانری
سو ایله قان تانری یئمک له دیش تانری
کیمین کی تانریسی اؤنونده یاشایار
پیسیله یاخشینی گؤرنده آرایار
