ایش ایشله- اشعار ترکی محمد اشراقی

سؤز وقتی سوووشوب ایش ایشله

ائل یوخلار دوزلوگون دوز ایشله

گونده بیر ایش گؤردون یاخشیسان

گؤرمه دون ائله بیل آخسیسان*

اؤیرنمک دوشونمک گره ک دیر

 بو ایشلر فایداسیز کلک دیر

گؤردون کی بیلمیرسن ایشینی 

گئد اؤیرن دئییشدیر ایشینی

دانیشیق دویورماز قارینی

آکمه سن گؤیرمز دارینی

بیلن لر وحشی آت مینمزلر

بیلرکن چتینه گیرمزلر

دوغرودان ائل ایشی  آغیردیر

گؤرمه سن ائل ائوین داغیدیر 

خسته نی اؤلدورر بیلمیین 

البیردیر سوچوندا دینمیین

ایشی وئر باشاریب بیلنه

سؤزو ده گونش دک دیینه

*آخسیسان ،آخسیرسان:می لنگی