ائلیمیزین گره کلری- اشعار ترکی محمد اشراقی

ایشله بیلیک ائلیمیزین گره گیدیر

وارلیلیق دا بو ایکیسی امگی دیر

ائل دیرچه لر باشاریلار یوکسه لدیکجه

دونیا اوزره اؤن اولاریق دیرچلدیکجه

هامی گره ک اؤیره نرک ایش ایشله سین

ایشلمه میش چؤره گینده  دیشلمه سین

اؤلچو بیچیم گره کلیدیر وار بؤلمگه

اؤلچولری دئییشدیره ک گون گؤرمگه

یئر یوردوموز پیسلیکلردن اوزاقلاشسین 

کوتله لرده گونو گوندن قیوراقلاشسین 

باشاردیقجا اوره گینین سؤزون دئسین

چکینمه دن ائل سؤزونون دوزون دئسین

آزادلیغین چایی دورو آخار اولسون  

سیخینتیلار قورخوب ائلدن قاچار اولسون 

اوره کلری یوخا ائدک بیرلیکیله 

چتینلری آچاق ائلده بیلیکیله  

بو سن یئمه قوی من یئییم ساواش لاری 

سونا گلسین  قارداش بیلک یولداش لاری

سو باغلایاق یوخسوللوغون کؤکون اوزه ک

سئوگیله وار بیرلشمه سی گونون گؤره ک