آزادلیق- اشعار ترکی محمد اشراقی

انسان گره ک آزاد اولا ایشینده

آزادلیغی دوشونه اؤز ایچینده

دوشوندوگون دییه بیله هریاندا

سیخینتی دان قالابیله آماندا

یازابیله دوشونجه سین ائلینه

کؤمک ائده یازدیغیله دیلینه

پیس یاخشینی سئچه بیله دریندن

سئچدیگینی گیزلتمییه ائلیندن

پیسلیک لره باشاردیقجا دیللنه

هئچ بیر ایشده زور آلتینا گیرمییه 

آزادلیق لار انسان ایله دوغولار

قورونماسا سیخینتی دا بوغولار

سیخینتی لار دینجلیگی آزالدار

آزادلیق دا دینجلیگی چوخالدار

آزادلیغی باشاردیقجا  قورویاق

آغاجینی قانیمزلا دویوراق