دؤرد لوک لر
دؤرد لوک لر
تولکو
داغ دان گلیر قارا تولکو
اونو گؤرجک تویوق اولکو
قویروغو وار آغ ایپک دن
دریسی ده اوشاق بورکو
تولکو یئیر تویوقلاری
چؤل ده قالار سویوقلاری
داغ بؤیرونده یوواسی وار
یاتار اوردا اوشاقلاری
قورت دان قورخار تولکوآغا
قورت گؤرنده چیخار داغا
گئجه یاتار یوواسیندا
گونوز گلر داشلی باغا
من تولکونو چوخ گؤررم
کنده گلسه قوز وئررم
آغ تویوغوم تولکو یئدی
توتوب باشین دوز اوزرم
باریشیق
دینجلیک گؤروشور اوزاق دا
باریشیق قالیبدیر قیراق دا
یالاندان دولاینر ائلچی لر
بیلری اویونو اوشاق ادا
باغیش
توتموشدو دوشمنین اؤلدورسون
دیریلیک چراغین سؤندورسون
یالواردی اؤلدورمه بالام وار
دیمه دی دئدی قوی گون گؤرسون
رادیو
آلار سؤزو اوزاق دان
ائشیدیلر قولاق دان
گئجه گونوز دانیشار
خبر وئرر اولاق دان
ائو
دیریلیک ائدرلر ایچینده
باشاران آلیری یوزونده
چوخلاری اجاره ائله یر
یووایا اوخشایار بیچمده
عینک
چوخلاری پوز اوچون تاخارلار
اوزاقلا یاخینا باخارلار
قیمتی فرقلی بازاردا
مایایا باخاراق آلار لار
گون
جان وئرر یئر گؤیه وارلیغا
گؤیرتی گتیرر داغلیغا
اولماسا سویویار یئر اوزو
چور دوشر وارلیقلا ساغلیغا)
یازگونو
یئل اسیر ترپه در یار پاغی
چاغالار گزه نین داماغی
آییلار یازگونو یوردوموز
سرینله اوتلاغی یاتاغی
کیمه
کیم گلیر اوزاقدان گؤره سن ؟
توتاسان اوزوندن اؤپه سن!
قره دیر، ساری دیر یاکی آغ ؟
قاتاراق بیر ائدیب اؤپه سن!
“محمد اشراقی”
