باریش
یاخشی انسان انسان کیمی یاشایار
انسانلارا انسان کیمی یاناشار
ائللر دیللر آیریلیغی گْْؤزه ل دیر
بو گؤزه للیک آیریلیق دان آیریلار
یئرین اﯚزو ائللر اﯚچون باخچادیر
ائللر گۆلو دیللریله آچیلار
ائللر گره ک بیربیرینی تانیسین
سئویلسین لر آغ لا قارا ساریلار
یاد ائللری تانیماساق قورخاریق
ائللر یئرسیز اؤزلرینی قوْرویار
دؤیوش اوْلار جانلار ایتر وارگئدر
تمدنلر گۆل آچمامیش پوْزولار
اؤزگه لری تانییاراق سایاق بیز
یولداش قارداش تانیناراق ساییلار
یاخین لاشسین ائللردینی فرهنگی
یاخینلیقلا اﯚرک له دیل آچیلار
آغ سئومه سه قارالاری ظﯚلومدور
سئوگی سیز ائل انسانلیق دان آیریلار
یهود گره ک عربلری ازمه سین
عرب دوُرار یهودلاری داغیدار
فارس دیللینی آمریکا لی اینجیتسه
فارس دا دوروب تورک قانینی آخیدار
ائللر ایچره اﯚستون گؤرمک اوْلماسا
ائللردیللر بیر- بیریله باریشار
ائللر – دیللر باریشسالار یاخشی دیر
ائللر دوُُروب باریش ایچره یاریشار
ییرتیجی لار بیر- بیریله بوْغوشار
گوجلو توتوب گﯚجسوسوز لری بوُدویار
انسان گره گ بیرلیک ایچره یاشاسین
یاراشیقلار اﯚستونلویو تانیدار
یئر بؤلگوسو ائلی- ائل ده ن آییرسا
فرهنگ لر آیری دﯚشوب داغیلار
ائللر گره ک دیل فرهنگین ساخلاسین
دیل فرهنگی ازه نلردیر یاغیلار
دیل گؤستره رائل ده یرین “گۆنش ” دک
ائللردیل له ائللر ایچره تانینار
محمد اشراقی 24/1/1376
