دموکراسی
دموکراسی هربیر ایشه گره ک دیر
دموکراسی اولماسا ایش کلک دیر
پیغمبرده «ص» دموکراسی سئورمیش
دانیشیق دا هامییا یول وئره رمیش
اوتوراندا اؤزه ل یئری یوخوموش
دؤزوم ایله دوشونجه سی چوخوموش
ائل سئورمیش پیغمبری «ص» دریندن
توتارمیشلار باشاردیقجا الیندن
دموکراسی دوشونجه نی آچان دیر
دویقولاری آختارارکن تاپان دیر
دموکراسی بؤلر گوجو ائل ایچره
ائله بیل کی داراق گیچیر تئل ایچره
دموکراسی بوتؤو اولسا یاخشیدیر
یوخسا اؤزو ائلین ایشین آخسیدیر
دموکراسی دئمک بیرلیک سؤزودور
سؤزو دئمه دئنه بیرلیک اؤزودور
دموکراسی بیرلشدیرر هامینی
یولداش ائدر بیلن ایله عامینی
دموکراسی ائلی ایشه قاتماق دیر
پیسلیک لری سئچیب دیشه آتماق دیر
محمداشراقی«گونش»
