تاریم- محمد اشراقی
یاراتمیسان اولمازیندان منی سن
آختاریرام باشلانیش دان سنی من
باغی گؤرسم سنی گؤررم گولونده
داغی گؤرسم سنی گؤررم اؤنومده
یوخ دور سن دن آیری سی بو وارلیق دا
وارلیق قالار سنسیز بوتون دارلیق دا
وارلا یوخوم سن له گلیب قالاجاق
شنلیک گولو سن له آچیب سولاجاق
بگنمیرم دورومومو درین دن
دا گلمه ییر بون دان آرتیق الیم دن
اسیرگمه بو قولوندان سئوگینی
یئتیر ائله دویونجا بو وئرگینی
اونوتمازسان قولونو سن بیلیرم
اونوتمارام یولونو من دئییرم
بو ایش اوچون گوجوم آرتیر تاریمسان!
چتینلیک ده دایاغیم لا یاریمسان!
