یولون گوجو – اشعار ترکی محمد اشراقی
یاخشی دیرکی یاخشی پیسی قاتیشدیراق
یاخشی پیسه یئنی اؤلچو تانیتدیراق
بئله بیر ایش ، بولاندیریب دورولتماق دیر
ایشی گرک یئتیشدیریب قورتاراق بیز
نئهره لری یاغ آلینجا چالخایاق بیز
بو سؤز ایشی گلن گونه قویماماقدیر
یونگول اولوب هرچالقییا اوینامایاق
هر اویونا اویوب چالقی گل چالمایاق
حق ، دوز اوسته داشلارکیمی قالماقدادیر
دئییرسن کی بورج آلمیسان قایتار قارداش
الیم بوش دور اینانمیرسان آختار قارداش
حله ایشین ، ساغلیغیمی آختارماقدیر
ائلی گره ک یئدیردسن دویوراسان
سوندان دوروب کوللوک لری سووراسان
یوخسا ایشین بوش توربایلا آت توتماقدیر
البیر اولوب هامیلیقجا ایشله یینیز
الینیزین امگینی دیشله یینیز
ایشسیز یئمک ائلین وارین باتیرماقدیر
بیرملتین منلیگینی دانانماسان
ایستکلرین اورگیندن قازانماسان
بئله بیر ایش داللا داغا دیرماشماقدیر
یول اولاراق یولچولارلا داغلارآشاق
گونش کیمی ائل یولونا ایشیق ساچاق
یولون گوجو داغلا داشی آشماقدیر
